Patrimonio - Eclesiástico

Ermidas, capelas e santuarios

San Ramón de Mesego

Capela de reducido tamaño, localizada no lugar de Mesego no interior dunha pequena carballeira. Noutro momento tivo connotacións de santuario e no corazón dos seus herméticos muros venérase tanto ao San Ramón como a Santa Apolonia, santos dos que aínda hoxe perduran as súas celebracións.

Contan os veciños deste lugar que existiu outro templo, capela ou pequena igrexa, da que hoxe quedan ruínas escondidas entre o manto vexetal que recobre os agrestes horizontes, cheos de maxia e tranquilidade. Era a lendaria ermida de Santa Ana.